يوميات العربجيه و النعومه

الدلوعه
طبعا هي ونايمه الدبوبي والارنوبي كلهم في حظنها <<يقال لها مشاعر فياضه
واذا قامت من النوم ماتقوم الا الساعه (وحده)الظهر
لا وبعد الا تصحيها الشغاله >>>تقومها بالانجلينزي .....بس انا راح اترجمه لكم...
يالله مرام قول ماما في قول قوم عاد ((يمديكم على الترجمه)) هي تقول اوكي وتجي امها وتصحيها مره ثانيه يامرام حبيبتي اصحي .....ترد مرام :
ماما والله بدري الساعه وحده الظهر بدري >>تدلع هي وخشتها
قامت البنت من السرير وفتحت الستارة والشبابيك .. علشان تتنفس الغرفه ... ياااااااااي
وشغلت موسيقى رومنسيه علشان تروق بنت الحلال وراحت تاخذ حمام محترم وبعد ماتطلع من الحمام وراعت على المرايا تحط من هالكريمات و
الدعافيس على وجهها ..تعرفون لازم تحافظ على البشرة ....خلصت من المرايا وتتجه الان الاستشوار وش ...وش..وش
لحول ساعتين عز الله ان هالشوشه تدمرت .....
خلصت منه .....
دقت البنطلون الجينز و البلوزة ..ونزلت تحت تفطر على كاس عصير برتقال << ياااااي مسويه رجييييم
نجي للعربجيه <<<< اموت انا بالعفاشه
تقوم الساعه 8وهي ماودها تقوم .. وجات امها تقومها ..ياسوير قومي يامال المرض
لحوووول زين زين <<<اهل الحاره يصحون معها ...بس لو تشوفون شكلها وهي نايمه ..كراع هنا وكراع هناك ..لا وكل ثلاث ساعات وهي طايحه
من السرير <<شايفه لها تفحيط يخرع يجي اخوها حميد ((اسمه محمد بس يدلعونه حميد ))ويقومها مره ثانيه قومي ياسوير تقول امي قومي جعلك
ا الموت ترد سوير :اقول اطلع ولا صكيتك بكف على جبهتك ..ويجي مناحي اخوها الكبير ... سوير وجعععع ويعطيها ذيك الرفسه اللي خلت عظامها
تهلهل <<<عاش مشوووت
وبعد تلك الرفسه العنيفه فزت فزه مايعلمها الا الله
وقالها مناحي ..قومي صلحي فطور عشر دقايق والا هوجاهز زييييين
شوفي ابي قرص وخبز مسح >يعني خبز على الحديده <يعني>..اقول اخلصي
وقامت بعد جهد جهيد وشتمت ولعنت الحي والميت حتى ولد عم جد ابوها ماسلم منها ...ونرجع للدلوعه ....
هذي ماتتغدى الا الساعه 3ولا5
لاوتتغدى رز ابيض مسلوق وسلطه <<<تحافظ على الرشاقه راعوووووووووها العربجيه ......
تتغدا الساعه 12 بالضبط وماتتغدى الا كبسه والا من المطعم لاخلصت الا كاس ببس او بايسن وتشربه شربه وحده يعني مافي مجال اتنفس ..>>طالعه
من قلبها الناعمه .. طلعتها تكون من بعد صلاة المغرب <<<<ماتطلع في العصر ياااااي تحافظ على البشرة
العربجيه ....<<تطلع الساعه ثنتين القايله وتدقها كعاااابي لبيت خوالها الين تنقلب خبز اسمر
الناعمه....>>>تروح للفيصليه او للمملكه وقبل ماتروح السوق تمر المشغل تسوي ميك اب سووق >>>على بالي اشرح
العربجيه ...<<تروح لسوق النسيم علشان تلقى العرابجه اللي مثلها ....>>>>الناعمه ....اذا طلعت تطلع مع يارا ولارا (وخيارهـ)ورولا ومايا <<<
<<اموت انا على الموضه العربجيه
العربجيه ...<<تطلع مع بنات خالاتها ضحى وعمشى ومزنه ومنيره <<<يعيش التراث
الناعمه ....>>> اذا جت تضحك :هههههههههههههههه
العربجيه .<<ااذا ضحكت تضحك كذا :هع هع هع هع هع ..واذاجت تمزح مع اخوهاحميداعطته كف حلاقه يعني كف قوي مع رقبته <<على بالهاتموون
الناعمه ...>>> اذا جت تسمع اغاني ماتسمع عربي خلقه ما تسمع الا ريكي ماترن بعا لانه حلووو وممثلها المفضل ..وتوم كروز لوسامته وميل جبسون
وجيم كاري لخفة دمهم واحلى ممثله جوليا روبر تس
العربجيه ..<<الاغاني اللي تسمعها راشد الماجد عبد المجيد عبدالله تركي التركي <<<اموووت انا على الفن
الناعمه ...>>>لما تتفرج على التلفزيون تجلس على الكنب وتحط رجل على رجل وتتبسم لان الابتسامه تضفي بشاشة على الوجه <<
العربجيه ...<<لا جت تناظر التلفزيون تشوف غصب واحد وغصب اثنين .. وتجلس على الارض وتحط المركا وراها والكراعين على التلفزيون وان
زهقت من القناه الاولى دقت التلفزيون باصبع رجلها وحطت على القناه الثانيه
الناعمه ....>>>اذا تبي تحلم احلام اليقظه طلعت برى في الحديقه حقت بيتهم وجلست على الكرسي الهزاز وقام الكرسي يروح ويجي <<مندمجه بقووه
العربجيه ....<<<اذا جت تحلم احلام اليقظه طلعت برى في حوشهم فرشت البساط ((ابو خمس طعش اللي مخطط باحمر وازرق))<<عرفتوه وتكت
على المركا وقعدت تفكر ...
اتمنى موضوعي يعجبكم