مـح ــرومـ سـارهـ..

السلام عليكم ورحمة الله
هذي قصيده كتبها شخص اعرفه لما رفضوا اهله انه يتزج البنت اللي يحبها
اتمنى ان القصيده تنال اعجابكم

تحرك ياقلم واكتب من اسباب القهر حسره
تعذب خافقي منها,تنكد بالدجى نومي
تكرم كودها تطفي لهايب داخلي وحره
وطعنه ليتها تبري,رماح ورمية سهومي
سبايب حسرتي اني عشقت بهالعمر درة
وكانت غايتي نبقى وتصبح ام دحومي
نعيش بعمرنا بالحلوه اللي مالها مره
اذوق الشهد لاجتني ويسعد حبها يومي
وقلت لاهلي وربعي ابخطب غايتي ساره
ابيها دون كل الغير,ساره غاية حلومي
تكلم من عذل واللي بداخل قلبهم صخره
وقالوا يافهد انسى وزادوا همي همومي
جلست بحسرتي ابكي وساءت حالتي مره
واحاول ودي بس القى قناعة اهلي وقومي
وجتني كلمه فيها حراره كنها جمره
باني اقطع التفكير مالي حظ مقسومي
انا والله ياعالم ابيها في العمر زهره
وقمره تضوي العتمه وتقهر لامع نجومي
انا محروم من ساره وحظي صايبه عثره
حقيقه طعمها مر باني صدق محرومي
توقف ياقلم يكفي حروفي كلها حسره
بغيتك تطفي الحره ولكن زادت همومي

تســلميـن .. سـوسـو ع المــرور يا عــسل ..}